طريقة حصرية لعمل الكريب الفرنسي الاصلي

 وصفة وطريقة عمل الكريب الفرنسي الاصلي

(French Crêpe)

تعالي يا ست الكل اعرفك كام حاجه الاول مهمه بالنسبة للكريب او عيش الكريب زي ما بنقول:-

اولا الكريب الفرنسي الاصلي غير الكريب اللي بيتعمل في محلات مصر مختلف عنه شوية يعني رفيع او سمكه قليل عن المصري احنا في مصر طورناه عشان نوفر لغينا منه الزبدة و البيض احيانا او للي عندهم حساسية من البيض بعيدا عن التوفير

طيب يا عم قلايط الكريب الفرنسي الاصلي اللي بتحكي عنه ده مكوناته ايه ؟

بصي يا ست الناس في فرنسا الكريب التقليدي بتاعهم وزي ما الكتاب بيقول بعد ما سافرت فرنسا بنفسي وركبت المترو هناك وروحت قرية بعيدة في محافظة بنهو الفرنسية وقابلت الحاجة اليزابيث ودي عمرها زي ستي وستك

سالتها يا حاجه اليزا الكريب الفرنساوي بتاعكم بدون افتكاسات مكوناته عباره عن ايه

خدت نفس عميق وشفطة شاي و قالتلي بص يا قلايط يا ابني

المكونات : 

وقالتلي كمان واد يا قلايط تعرف الكريب اصله ايه قولتلها فرنساوي يا حاجة اليزا

قالتلي لا يا واد اسمع مني

اصل ونشأة الكريب الفرنساوي

الكريب ظهر لاول مره في فرنسا وتحديدا ياختي في اقليم اسمه بريتاني ( Brittany ) انا مبعرفش انطقها زيك كده بس كتبتها وده موجود في شمال غرب فرنسا المهم ظهر في العصور الوسطي وبعدين انتشر زي الجراد في فرنسا كلها وبقي من اشهر اكلاتها زي الفطير المشلتت عندنا كده

ده عندهم عيد سنوي للكريب

نخش بقي علي

تسوية او خبز الكريب

طاسه تيفال حلوه كده سخنيها او لو عندك بلاطة كريب ماشي
نمسحها مسحه خفيفه زبده مسحه بس
ادلقي بقي كميه صغيرة من الخليط او العجين ده ولفي الطاسة داير مايدور بسرعة 
بالكتير من دقيقة لدقيقة ونص عالنار
وهوب اقلبيه نص دقيقة او اقل

أسرار الشيفات الفرنسيين

✅ راحة الخليط لا تقل عن نصف ساعة بالتلاحة .
✅ الزبدة داخل الخليط هتدى طعم غني وتمنع الالتصاق.
✅ الخليط لازم يكون بقوام اللبن الثقيل، مش سميك زى البان كيك.
✅ متكترش دهن الطاسة؛ مجرد مسحة خفيفة بس.
✅ أول كريباية غالبًا بتكون للتجربة وظبط حرارة الطاسة.

وبالهنا والشفا